Chris de Beer shot in the leg

Fri-16-Sep-16 (01H15) Chris de Beer shot in the leg by 2 suspects on a farm in the Eurasmia area of Centurion. The victim checked to see why his dogs were barking and when he opened for them to go outside he was shot in the upper leg. The victim went back into the house followed by 2 suspects who fired into the ceiling. Suspects fled with a laptop, mobile phones. It was discovered that the suspects gained entrance to the yard by cutting the fence behind the house. Community and SAPS reacted to the incident and followed the tracks to rocky ground where they were lost. Victim was moved to hospital (GP, Tshwane Municipality, Eurasmia, Centurion, Hennopsrivier)

SA Rural Security:
https://m.facebook.com/story.php?story_fbid=1244912268886642&id=1032912406753297

Man buite plaashuis geskiet

ʼn Man is Vrydag in die vroeë oggendure op ʼn kleinhoewe in die Erasmia-omgewing in die weste van Centurion geskiet, nadat hy geluide buite gehoor en ondersoek gaan instel het.
Izak Pieters, voorsitter van die plaaslike AfriForum-buurtwag wat ook op die toneel was, het aan Maroela Media gesê Chris De Beer het omstreeks 01:15 wakker geword van sy honde wat blaf. Hy het geluide buite gehoor en die deur oopgemaak sodat die honde kan uitgaan voordat hy self ook buitentoe gegaan het.
“Toe hy uitstap, het hulle twee skote op hom geskiet. Een was mis, maar die tweede een het hom in sy bobeen getref,” het Pieters gesê. “Hy het terug in die huis in en op met die trappe na die tweede verdieping van die huis gehardloop. Terselfdertyd het twee verdagtes die huis ingekom en sommer lukraak ʼn paar skote in die plafon geskiet.”
Volgens Pieters het die twee rowers met ʼn skootrekenaar, twee selfone en ʼn paar ander items op die vlug geslaan. Dit het later aan die lig gekom dat hulle die heining agter die huis stukkend geknip het om in die erf te kom.
“Chris het hulp ontbied en die polisie, nooddienste en ʼn privaat veiligheidsmaatskappy was op die toneel. Ons het die spore van die aanvallers gevolg tot daar waar dit by ʼn rotsagtige gedeelte weggeraak het,” het Pieters gesê.
De Beer is ná die voorval in die hospitaal opgeneem en het Vrydagoggend aan Maroela Media gesê hy wag nog om te hoor of hy geopereer sal word.
Kapt. Thomas Mufamadi, polisiewoordvoerder, het die voorval aan Maroela Media bevestig en gesê ʼn saak van huisroof en poging tot moord word ondersoek.

http://maroelamedia.co.za/nuus/sa-nuus/man-buite-plaashuis-geskiet/